Tampipi

Ano ang tampipi?

Isang sinaunang sisidlan, parihaba, tila pinagtaklob na kahon, at yari sa materyales na masinsing nilala ang tampipi.

Kung matigas ay gawa na nilalang mga nilapat na kawayan o yantok. Kung malambot na tila banig, may patigas itong kahoy o makapal na tela sa loob.

Karaniwang sisidlan ito ng damit at ibang mahalagang personal na gamit para sa mahaba o matagal na paglalakbay. Wala itong susian, karaniwang ginagapos paikot ng sintas o sinturon, at dinadala nang pakipkip habang lumalakad.

Ang tampipi ang maleta noon ng mga biyahero. Tatak ito ng sinauna. Kaya sa mga pelikula ay karaniwang itanghal ang isang probinsiyano na tatanga-tanga sa lungsod at mahigpit na kipkip ang kaniyang tampípi. Wari bang nása tampípi ang kaniyang buong buhay.

Pinagmulan: NCCA Official | Flickr

Mungkahing Basahin: